នៅថ្ងៃនេះ ក្រុមហ៊ុន ZTE Mobile បានប្រកាសថា ខ្លួននឹងបញ្ចេញនូវស្មាតហ្វូន ZTE Axon 30 Ultra aerospace version នៅថ្ងៃទី 25 ខែវិច្ឆិកាខាងមុខនេះហើយ។ ស្មាតហ្វូននេះ គឺមានការផ្សព្វផ្សាយដោយកញ្ញា Liu Haocun ដែលជាតួឯកនៅក្នុងខ្សែភាពយន្ត “One Second”។ លក្ខណៈពិសេសរបស់ស្មាតហ្វូននេះគឺថា វាគឺជាស្មាតហ្វូនដំបូងបំផុតរបស់ពិភពលោក ដែលមានរ៉េមទំហំ 18GB។ យ៉ាងណាមិញ ស្មាតហ្វូននេះ អាចប្រើប្រាស់បានរ៉េមច្រើនជាង 18GB ។ បន្ថែមពីនេះទៀតនោះ ស្មាតហ្វូននេះមានម៉េមូរីទំហំដល់ទៅ 1TB ថែមទៀត។
ក្រុមហ៊ុន ZTE នឹងភ្ជាប់ស្មាតហ្វូននេះ ជាមួយនឹងបច្ចេកវិទ្យា memory fusion technology Pro ផងដែរ។ បច្ចេកវិទ្យានេះ គឺមានការបញ្ចូលគ្នានៃ UFS3.1 ROM ជាមួយនឹងល្បឿនលឿននៅក្នុងការ read/write ម៉ាស៊ីនឆ្លាតវៃ និង DY TM ហើយវានឹងអនុញ្ញាតអោយរ៉េម 18GB RAM នេះអាចប្រើប្រាស់បានច្រើនជាង 20GB ។ បន្ថែមពីនេះទៀតនោះ ស្មាតហ្វូន ZTE Axon 30 Ultra aerospace version នេះមានកាមេរ៉ាខាងក្រោយ4 គ្រាប់ដែលមានទំហំ 64MP, 8MP 5x optical zoom periscope sensor, ultra-wide-angle ផងដែរ។
បើនិយាយអំពីតម្លៃវិញនោះ បច្ចុប្បន្ន ស្មាតហ្វូន ZTE Axon 30 Ultra 16GB + 1TB version នេះមានតម្លៃ 6,666 yuan ($1,044)។ ស្មាតហ្វូន ZTE Axon 30 Ultra aerospace version អាចនឹងមានតម្លៃច្រើនជាង 7,000 yuan ($1,097) ឬ 8,000 yuan ($1,254) ៕
