Honor ត្រូវបានគេរាយការណ៌ថា បាននឹងកំពុងតែធ្វើការនៅលើស្មាតហ្វូនបត់បានជំនាន់ថ្មីរបស់ខ្លួនទៀតហើយ ដោយស្មាតហ្វូនជំនាន់ថ្មីនេះ នឹងបង្ហាញវត្តមាននៅលើទីផ្សារប្រទេសចិនជាមួយនិងឈ្មោះថា Honor Magic V2។ បើតាមអ្នកទម្លាយ ដែលចេញប្រទេសចិន ក៏មានការលើកឡើងដូចគគ្នាដែរ គឺនឹងមានការបង្ហាញវត្តមាននូវស្មាតហ្វូនម៉ូដែល Magic V2 ពិតមែន។ បន្ថែមពីនេះ ក៏មានប្រភពជាច្រើនទៀតនិយាយអំពីរទំហំថ្មរបស់ស្មាតហ្វូនផងដែរ។
អ្នកទម្លាយដដែលរូបនេះ ស្មាតហ្វូនបត់បានជំនាន់ថ្មី Magic V2 និងស្បែកកម្មវិធី Magic UI 7.0 គឺនឹងមានការប្រកាសសម្ពោធជាផ្លូវការជាមួយគ្នានៅខែធ្នូខាងមុខនេះហើយ។ លោកបានបន្ថែមថា ស្មាតហ្វូនបត់បានជំនាន់ថ្មី Magic V2 នឹងមានរូបរាងថ្មី មានកម្រ៉ាស់ស្តើងជាង និងស្រាលជាង ជំនាន់មុនម៉ូដែល Honor Magic V ដែលបានបង្ហាញចេញកាលពីខែមករាកន្លងមក។ ទាក់ទងជាមួយនិងព័ត៌មាននេះ គឺនៅមិនទាន់មានការបញ្ចេញព័ត៌មានលក្ខណៈសម្បត្តិណាមួយរបស់ស្មាតហ្វូន ម៉ូដែលថ្មី Magic V2 នេះនៅឡើយទេ។
គួរបញ្ជាក់ផងដែរថា គិតចាប់តាំងពីស្មាតហ្វូនជាច្រើនរបស់ចិនជាច្រើន បានបង្ហាញវត្តមានជាមួយនិងបន្ទះឈីបជំនាន់ថ្មី Snapdragon 8 Plus Gen 1 មក មានព័ត៌មានថា ក្រុមហ៊ុននេះ អាចនឹងប្រើប្រាស់បន្ទះឈីបជំនាន់ថ្មីនេះ នៅលើស្មាតហ្វូនរបស់ខ្លួនម៉ូដែ Magic V2 នេះផងដែរ។ ថ្មីៗនេះ អ្នកទម្លាយ Digital Chat Station ក៏បានបញ្ជាក់ផងដែរថា ស្មាតហ្វូនបត់បានរបស់ Honor នេះ នឹងមានថ្មភ្លោះ ដែលមានទំហំ 2,030mAh និង 2,870mAh។ ដូច្នេះ ស្មាតហ្វូនបត់បានថ្មីនេះ នឹងថ្មសរុប 5,000mAh។