ក្រុមមហ៊ុន Vivo នឹងធ្វើការសម្ពោធជាផ្លូវការនូវស្មាតហ្វូនបត់បានជំនាន់ថ្មីរបស់ខ្លួន Vivo X Fold+ នៅថ្ងៃនេះហើយ។ ស្មាតហ្វូនបត់បានជំនាន់ថ្មីនេះ គឺមានរូបរាងដូចគ្នាមែនទែនជាមួយនិងម៉ូដែលមុន Vivo X Fold ដែលក្រុមហ៊ុននេះបានប្រកាសចេញកាលពីដើមឆ្នាំនេះ។ នៅមុនការប្រកាសល្ងាចនេះ ស្មាតហ្វូននេះ ត្រូវបានគេទម្លាយចេញនូវរូបភាពពិតហើយជាមួយនឹងជម្រើសពណ៌ក្រហម។ បើតាមការបង្ហាញនៅលើ Weibo ដែលមានឈ្មោះថា iDealPark理想公园 នោះ គឺបានធ្វើការចែករំលែកនូវរូបភាពរបស់ Vivo X Fold+ ពណ៌ក្រហមពិតមែន។
រូបភាពខាងលើនេះ គឺបានបញ្ជាក់ច្បាស់ថា ស្មាតហ្វូនបត់បានជំនាន់ថ្មីនេះ នឹងមានការបំពាក់នូវបច្ចេកវិទ្យាកាមេរ៉ារបស់ក្រុមហ៊ុន Zeiss ហើយនិងមានការប្រើប្រាស់នូវប្រព័ន្ធស្កែនម្រាមដៃនៅលើអេក្រង់ខាងក្រៅថែមទៀតផង។ សម្រាប់ពណ៌ក្រហមនៅផ្នែកខាងក្រោយក៏មានការឌីស្សាញជាមួយពណ៌មាសសម្រាប់ឡូហ្គូរបស់ Vivo ផងដែរ។ Vivo X Fold+ ត្រូវបានគេនិយាយថា នឹងមានអេក្រង់ដូចគ្នាជាមួយនិង X Fold ដែរ។ មានន័យថា ស្មាតហ្វូននេះ នឹងមានអេក្រង់ខាងក្នុងទំហំ 8.03-អ៊ីង E5 LTPO OLED 3.0 បង្ហាញចេញបានកម្រិត 2K resolution ល្បឿន 120Hz refresh rate និងមានខ្នាត 4:3.5 aspect ratio។ សម្រាប់អេក្រង់ខាងក្រៅ គឺមានទំហំ 6.53-អ៊ីង E5 OLED panel បង្ហាញចេញបាន Full HD+ resolution ល្បឿន120Hz refresh rate និងមានការគាំទ្រដោយ HDR10+ ទៀតផង។
ស្មាតហ្វូនបត់បានជំនាន់ថ្មីនេះ គឺនឹងប្រើប្រាស់បន្ទះឈីប Snapdragon 8+ Gen 1 និងមានពីរជម្រើស គឺមានរ៉េមទំហំ 12GB និងអង្កចងចាំក្នុងម៉ាស៊ីនទំហំ 256GB និងម៉ូដែលមួយទៀតមានរ៉េមទំហំ 12GB និងអង្គចងចាំទំហំ 512GB។ ស្មាតហ្វូននេះ ត្រូវបានគេរំពឹងថា នឹងមានកាមេរ៉ាគោលប្រភេទ Samsung GN5 ទំហំ 50-Megapixel និងគ្រាប់ទីពីរមានទំហំ 48-Megapixel ultra-wide-angle ខណៈដែលគ្រាប់ទីបីមានទំហំ 12-Megapixel portrait lens និងគ្រាប់ទីបួនមានទំហំ 5-Megapixel periscopic telephoto lens ហ៊្សូមបាន 5x optical zoom និង 60x digital zoom។ សម្រាប់កាមេរ៉ាមុខមានទំហំ 16-Megapixel។ និយាយដល់ថាមពលថ្ម Vivo X Fold+ នឹងមានការបំពាក់មកជាមួយនូវថ្មទំហំ 4,730mAh គាំទ្រដោយកម្លាំង 80W wired charging និង 50W of wireless charging.