នៅថ្ងៃនេះមានលេចធ្លាយនូវព័ត៌មានចាប់អារម្មណ៌ថ្មីមួយ ដែលបញ្ជាក់ពីចំណុចសំខាន់របស់ស្មាតហ្វូនស៊េរីថ្មី Samsung Galaxy S23 Series ដោយស្មាតហ្វូនជំនាន់ថ្មីនៃត្រកូល S-Series នេះ គឺនឹងមានប្រើប្រាស់នូវបច្ចេកវិទ្យាថ្មីៗមួយចំនួន ហើយក៏មានបន្តប្រើប្រាស់នូវមុខងារចាស់ដែលមានស្រាប់នៅលើជំនាន់មុនៗផងដែរ។ យោងតាមព័ត៌មានចុងក្រោយដែលចេញពី GalaxyClub បានបញ្ចេញនូវចំណុចសំខាន់របស់ស្មាតហ្វូនស៊េរីថ្មីរបស់ Galaxy S23+ និង Galaxy S23 Ultra ទៀតហើយ។
របាយការណ៌ថ្មី បន្ថែមថា ស្មាតហ្វូនស៊េរីថ្មីទាំងពីរនេះ គឺនឹងមានថ្មទំហំខុសគ្នា។ សម្រាប់ស្មាតហ្វូន Galaxy S23+ ដែលមានលេខម៉ូដែល SM-S916 គឺនឹងមានថ្មទំហំ 4565mAh ខណៈដែលការលេចធ្លាយមួយទៀតបាននិយាយថា គឺនឹងមានទំហំប្រហែល 4,700mAh។ ចំពោះ Galaxy S23 Ultra ដែលមានលេខ EB-BS918ABY គឺនឹងមានថ្មទំហំ 4,855mAh ដោយគេរពឹងថា នឹងមានទំហំ 5,000mAh។
ជាមួយគ្នានេះ GalaxyClub ក៏បានទម្លាយចេញនូវនូវកាមេរ៉ាដែលប្រើប្រាស់នៅលើស្មាតហ្វូន Galaxy S23+ ផងដែរ។ យោងតាមរបាយការណ៌កន្លងមក គឺបានបញ្ជាក់ថា ស្មាតហ្វូនស៊េរីថ្មី Galaxy S23 Series នឹងមានការតម្លើងនូវទំហំកាមេរ៉ាមុខដល់ទៅ 12-Megapixel selfie camera ហើយសម្រាប់ទម្លាយចេញនៅថ្ងៃនេះ គឺបានបញ្ជាក់កាមេរ៉ាក្រោយរបស់ Galaxy S23 និង Galaxy S23+ មានទំហំ 12-Megapixel ដែលនេះ គឺជាប្រភេទ ultra-wide angle។ ហើយសិនស័រនេះ ក៏អាចនឹងមានដាក់អោយប្រើប្រាស់នៅលើស្មាតហ្វូន Galaxy S23 Ultra ដូចគ្នា។ សូមជំរាបថា ព័ត៌មានទាំងនេះ គឺមិនទាន់មានការបញ្ជាក់ជាផ្លូវការនៅឡើយទេ ដូច្នេះមានតែរង់ចាំតាមដានជាមួយគ្នានៅពេលបន្ទាប់រហូតដល់ពេលនៃការប្រកាសចេញជាផ្លូវការ។