បើគិតមកទល់នឹងពេលនេះ គឺមានរយះពេលខ្ទង់ 3 ឆ្នាំមកហើយដែលលោក Elon Musk មេក្រុមហ៊ុន Tesla ដែលជាក្រុមហ៊ុនផលិតរថយន្តអគ្គិសនីឈានមុខគេក្នុងលោកបានប្រកាសបង្ហាញគំរូរថយន្ត Tesla Cybertruck ដែលមានការឌីស្សាញថ្មីប្លែកបែបគំរូរថយន្តនាពេលអនាគត។ យ៉ាងណាមិន Tesla បានធ្វើឲ្យអតិថិជនរបស់ខ្លួនទន្ទឹងរងចាំក្នុងការបានក្លាយជាម្ចាស់កំពូលរថយន្តអគ្គិសនីម៉ូដែលថ្មីនេះយ៉ាងអន្ទះសារដោយសារ តែ Cybertruck មិនទាន់មានវត្តមានដាកលក់នៅលើទីផ្សារនៅឡើយទេ។ បើតាមប្រភពព័ត៌មានចុងក្រោយ Tesla Cybertruck នឹងមានវត្តមាននៅលើទីផ្សារនៅឆមាសទីពីរក្នុងឆ្នាំ 2023។ ដោយឡែកក្នុងពេលនេះបើតាមរបាយការណ៍របស់ក្រុមហ៊ុន Tesla បានបង្ហាញថ្មីៗនេះថា ខ្លួនទទួលបានអតិថិជនធ្វើការបញ្ជាទិញមុនសម្រាប់រថយន្ត Cybertruck ចំនួន 1.5 លានគ្រឿងរួចហើយ។
Tesla Cybertruck ត្រូវបានលោក Elon Musk នាំយកទៅដាក់បង្ហាញនៅលើឆាកកាលពីអំឡុងឆ្នាំ 2019។ ដោយកាលនោះលោក Elon Musk បានធ្វើបទបង្ហាញពីសមត្ថភាព ក៏ដូចជាភាពធន់របស់កំពូលរថយន្តមួយនេះដល់អ្នកចូលរួមទស្សនាក្នុងកម្មវិធីដាក់បង្ហាញនោះ។ លោក Musk បានប្រើញញួរដ៏ធំមួយវាយទៅលើ Cybertruck ប៉ុន្តែ មិនមានបញ្ហាអ្វីនោះទេ។ បន្ទាប់មកលោកក៏បានប្រើបាល់ដែកគប់ទៅលើកញ្ចក់របស់វាក៏មិនបែក ឬប្រះស្រាំនោះទេ។ តែជាអកុសល អ្វីៗមិនដំណើរការដូចការគ្រោងទុកនោះឡើយ ដោយកញ្ចក់ទ្វាររថយន្តបានបែកខ្ទេចក្រោយពីការគប់ដោយបុរសម្នាក់។
ទោះជាបែបនេះក្តី ក៏នៅមានអ្នកដែលបានចូលរួមក្នុងព្រឹត្តិការណ៍បង្ហាញនោះមានការពេញចិត្តទៅលើ Tesla Cybertruck ហើយមានមនុស្សចំនួន 250 ពាន់នាក់បានធ្វើការបញ្ជាទិញរថយន្តស៊េរីថ្មីនេះនៅមួយសប្តាហ៍ដំបូងបន្ទាប់ពីការដាក់បង្ហាញ។ ហើយមកទល់នឹងពេលនេះតួរលេខហាក់មិនមានការថយចុះឡើយ ដោយក្នុងពេលនេះ Tesla Cybertruck ទទួលបានអតិថិជនបញ្ជាទិញមុនឈានឡើងដល់ 1.5 លាននាក់ហើយ ប៉ុន្តែ តួរលេខនេះមិនមានន័យថា Tesla លក់ Cybertruck បានចំនួន 1.5 លានគ្រឿងនោះទេ។ ដោយបច្ចុប្បន្ននេះ Tesla បានកំនត់ប្រាក់កត់ប្រមាណ $100 សម្រាប់ Cybertruck មួយគ្រឿង។ យ៉ាងណាមិញ ក្នុងចំនួន 1.5 លាននាក់ដែលបានកក់ប្រាក់នឹងទិញ Cybertruck ទាំងអស់នោះទេ ប៉ុន្តែ ពេលនេះ Tesla ទទួលបានប្រាក់កក់ 150 លានដុល្លារចូលកុងក្រុមហ៊ុនរួចទៅហើយ។
បញ្ហាធំដែល Tesla មិនទាន់ផលិត Cybertruck ឲ្យទាន់តម្រូវការក្នុងការចេញលក់លើទីផ្សារ គឺបញ្ហាក្នុងសង្វាក់ផលិតកម្មតែម្តង ដោយសាររថយន្តម៉ូដែលថ្មីនេះត្រូវការរយះពេលក្នុងការដុសខាតអភិវឌ្ឍន៍ប្រព័ន្ធបច្ចេកវិទ្យាថ្មីបន្ថែមទៀតដើម្បីឲ្យការប្រើកាន់តែមានប្រសិទ្ធិភាពខ្ពស់។ ចាប់តាំងពីការបង្ហាញវត្តមាននៅលើឆាកកាលពីឆ្នាំ 2019 មក Tesla បានធ្វើការជុសជុលបញ្ហាជាបន្តបន្ទាប់នៅលើ Cybertruck។ ទោះជាយ៉ាងបើតាមការបញ្ជាក់របស់មេ Tesla បាននិយាយថា សង្វាក់ផលិតកម្មរថយន្ត Cybertruck នឹងចាប់ផ្តើមទ្រង់ទ្រាយធំនៅពេលកណ្តាលឆ្នាំ 2023៕