នៅថ្ងៃនេះ ក្រុមហ៊ុន vivo បានប្រកាសចេញនូវ "BlueImage" ដែលជាបច្ចេកវិទ្យាកាមេរ៉ាជំនាន់ថ្មីរបស់ខ្លួន ដែលនេះ គឺជាសមិទ្ធិផលថ្មីមួយទៀតរបស់ក្រុមហ៊ុននេះ បន្ទាប់ពីការអភិវឌ្ឍនូវបន្ទះឈីបជំនួយដល់ការផលិតរូបភាពនាពេលកន្លងមក។ បច្ចេកវិទ្យាថ្មីនេះ ត្រូវបានគេរំពឹងថា នឹងមានការដាក់អោយប្រើប្រាស់នៅលើស្មាតហ្វូនជំនាន់ថ្មី vivo X100 Ultra ផងដែរ។ ប្រភពខាងលើនេះ បានបន្តថា សម្រាប់ពាក្យថា "Blue" គឺត្រូវបានបញ្ជាក់យ៉ាងច្បាស់ពីស្លាកសញ្ញារបស់ vivo។
បើតាមការបញ្ជាក់នៅក្នុងប្រភពខាងលើនេះបន្តថា បច្ចេកវិទ្យា BlueImage នឹងមានការដាក់បញ្ចូលនូវបច្ចេកវិទ្យាដែលមានប្រើប្រាស់ដូចគ្នាជាមួយនិងបន្ទះឈីប V-series of imaging ផងដែរ។ បន្ទះឈីបនេះ ត្រូវបានប្រើប្រាស់ជាលើកដំបូងកាលពីឆ្នាំ 2021។ នៅពេលនេះ បន្ទះឈីប vivo V3 គឺត្រូវបានប្រើប្រាស់នៅលើស្មាតហ្វូន X100 series ផងដែរ។ មកដល់ថ្ងៃនេះ ក្រុមហ៊ុន vivo គឺមិនត្រឹមតែប្រើប្រាស់នូវបន្ទះឈីបសម្រាប់ជំនួយដល់ការផលិតរូបភាពនោះទេ គឺថែមទាំងមានការដាក់បញ្ចូលនូវដំណើរការនានាពាក់ព័ន្ធនឹងការផលិតរូបភាពទៀតផង។
ជាមួយនិងវត្តមានរបស់ BlueImage នេះ គឺនឹងជួយដល់ការផលិតរូបភាពនៅលើស្មាតហ្វូន vivo បានកាន់តែប្រសើរជាងមុន ជាពិសេសគឺទៅលើការជួយពន្លឺបន្ថែមសម្រាប់រូបភាពដែលមានកម្រិតពន្លឺទាបនៅផ្ទៃខាងក្រោយ low-light imaging រួមជាមួយនិងការប្រើប្រាស់នូវ telephoto lens ហើយនិងការថតរូបជុំគ្នាជាដើម។ មួយវិញទៀត ក្រុមហ៊ុន vivo ក៏បានប្រកាសពីការបន្តចាប់ដៃគ្នាជាមួយនិងក្រុមហ៊ុន Zeiss ថែមទៀតផង។ ដៃគូរទាំងពីរនេះនឹងធ្វើការរួមគ្នាទៅលើការអភិវឌ្ឍឡែនសម្រាប់ស្មាតហ្វូនរបស់ខ្លួន។ បើតាមការបញ្ជាក់របស់ Jia Jingdong ដែលជានាយករង និងអ្នកទទួលខុសត្រូវទៅលើការផ្សព្វផ្សាយ និងទីផ្សាររបស់ vivo បានអោយដឹងថា កិច្ចសហការគ្នាជាមួយ vivo-Zeiss cooperation នឹងបង្កើតនូវជម្រើសថ្មីសម្រាប់អ្នកប្រើប្រាស់។
សូមជំរាបថា vivo X100 Ultra ត្រូវបានក្រុមហ៊ុនបញ្ជាក់ថា នឹងមានការបំពាក់នូវបច្ចេកផ្តាច់មុខមួយ ដែលមានឈ្មោះថា “professional camera that can make calls”។ ស្មាតហ្វូននេះត្រូវបានពាក្យចចាមអារ៉ាមនិយាយថា នឹងប្រើសិនស័រ 1/0.98 អ៊ីង Sony Lytia LYT-900 (50MP) និង 100mm (4.3x) periscope ជាមួយនីង 200MP sensor។
