Aito M5 គឺជារថយន្តឆា្លតវៃជំនាន់ថ្មី ដែលត្រូវបានក្រុមហ៊ុននេះប្រកាសចេញជាផ្លូវការណ៌កាលពីឆ្នាំ 2023 កន្លងទៅ។ នៅថ្ងៃនេះ រថយន្តឆា្លតវៃ Aito M5 បានបង្ហាញវត្តមានសារជាថ្មីម្តងទៀតហើយ ជាមួយនិងការអាប់ដែតកាន់តែពិសេសជាងជំនាន់មុន។ បើតាមការទម្លាយកន្លងមកបានអោយដឹងថា នៅលើរថយន្តឆា្លតវៃដែលប្រកាសចេញនៅពេលេនះ គឺនឹងមានការតម្លើងនូវប្រព័ន្ធបើកបរជំនាន់ថ្មីរបស់ក្រុមហ៊ុន Huawei ដែលមានឈ្មោះថា Advanced assisted driving system។ នៅពេលនេះ មុខងារនេះ គឺមានការប្រើប្រាស់នៅលើ រថយន្តឆា្លតវៃ Aito M5 ហើយ។
ដូចគ្នាជាមួយនិងជំនាន់មុនដែរ រថយន្តឆា្លតវៃ Aito M5 គឺបានបង្ហាញវត្តមានជាមួយ 3 ជម្រើស គឺមានដូចជា ម៉ូដែល BEV ចំនួន និង EREVs ចំនួន 2។ សម្រាប់តម្លៃរបស់រថយន្តឆា្លតវៃ Aito M5 នេះ គឺមិនមានការផ្លាស់ប្តូរទេ ដោយក្រុមហ៊ុននេះបានដាក់ដាលក់ជាមួយតម្លៃ RMB 249,800 (€32,100) ឬRMB 279,800 (€36,000) ទៅលើ ម៉ូដែល BEV និងម៉ូដែល EREV មានតម្លៃ RMB 269,800 (€34,700)។
ក្រុមហ៊ុននេះបានបញ្ជាក់ថា រថយន្តឆា្លតវៃ Aito M5 ប្រើប្រាស់ថាមពលអគ្គីសនី ហើយនិងការប្រើប្រាស់ EREV ម៉ូទ័រខាងក្រោយគឺមានសមត្ថភាពអាចបង្កើតបាននូវកម្លាំងបាន 200kW ខណៈដែលម៉ូដែលមួយទៀតមានតម្លៃខ្ពស់ជាងនេះ គឺនឹងមានការប្រាស់នូវម៉ូទ័រខាងមុខ។ ម៉ូទ័រនេះ គឺមានតម្លៃ 165kW។ ចំពោះម៉ូដែល BEV គឺមានការប្រើប្រាស់នូវអាគុយ lithium iron phosphate មានកម្លាំង 83kWh ដែលអាចធ្វើដំណើរបានចម្ងាយ 602km តាមរយៈ CLTC។
សម្រាប់ម៉ូដែល EREVs ចំនួន 2 នេះវិញ គឺប្រើប្រាស់ថាមពលអាគុយ 42kWh អាចរត់បានចម្ងាយ 255km ឬ 230km ផ្អែកលើម៉ូដែលនីមួយៗ។ សម្រាប់ការចាក់សាំងពេញវិញ រថយន្តថ្មីនេះ មានសមត្ថភាពអាចរត់នៅលើចម្ងាយផ្លូវបានបាន 1,440km ឬ 1,275km នេះតាមការបញ្ជាក់ពី CLTC។ រថយន្តឆ្លាតវៃ Aito M5 ជំនាន់ថ្មីនេះ នឹងមានដាក់លក់ជាផ្លូវការនៅថ្ងៃទី 15 ខែឧសភា ខាងមុខនេះហើយ។