មកដល់ពេលនេះ គឺមានរយៈពេលជាង 1 ឆ្នាំ កន្លះហើយ ដែលក្រុមហ៊ុន Apple ប្រកាសចេញនូវឧបករណ៌ iPad របស់ខ្លួន។ យោងតាមព័ត៌មានចុងក្រោយ ដែលផ្សព្វផាយនៅលើវិបសាយ gsmarena,com បានបញ្ជាក់ថា ក្រុមហ៊ុនបច្ចេកវិទ្យាយក្សអាមេរិកាំង Apple នឹងធ្វើការបង្ហាញចេញនូវឧបករណ៌ iPad ជំនាន់ថ្មីរបស់ខ្លួននៅថ្ងៃទី 7 ខែឧសភាខាងមុខនេះហើយ។
បើតាមការបញ្ជាក់ក្នុងវិបសាយខាងលើនេះ បាននិយាយថា ក្រុមហ៊ុន Apple នឹងមានរៀបចំនូវព្រឹត្តិការណ៌ថ្មីមួយ នៅវេលាម៉ោង 7AM PT ឬ 10AM ET ហើយកម្មវិធីនេះ នឹងមានការប្រកាសចេញនូវឧបករណ៌ iPad Pro ជំនាន់ថ្មី និងឧបករណ៌ iPad Air ជំនាន់ថ្មី រួមជាមួយនិងប៊ិក Apple Pencil ផងដែរ។
នៅពេលនេះ ក្រុមហ៊ុន Apple បានសម្រេចធ្វើការតម្លើងនូវអេក្រង់ OLED នៅលើឧបករណ៌ iPad Pro lineup របស់ខ្លួនហើយ ដែលមានចាប់ពី 13-អ៊ីង និងទំហំ 11-អ៊ី ហើយថែមទាំងមានការផ្លាស់ប្តូរនូវទីតាំងកាមេរ៉ាមុខ មកដាក់នៅជ្រុងខាងផ្តេកនៃអេក្រង់វិញផងដែរ។ ជាមួយគ្នានេះ សម្រាប់ឧបករណ៌ iPad Airs ចំនួន 2 ទៀត គឺមានអេក្រង់ទំហំ 12.9-អ៊ីង និង 10.9-អ៊ីង គឺនឹងមានបំពាក់នូវអេក្រង់ Mini LED displays.។ ថេប្លេតជំនាន់ថ្មីទាំងពីរនេះ គឺនឹងដំណើរការនៅលើបន្ទះឈីប Apple M3។
បន្ថែមពីនេះ ក្រុមហ៊ុន Apple ក៏ត្រូវបានគេរំពឹងថា នឹងមានការប្រកាសចេញនូវប៊ិក Apple Pencil ជាមួយនិង squeeze gesture ហើយនិងក្តាចុច Magic Keyboard ដែលមានភ្ជាប់នូវ aluminum chassis និងមានtrackpad ធំជាងមុនទៀតផង។