ក្រុមហ៊ុនប vivo ទើបតែបង្ហាញនូវម៉ាកយីហោ "BlueImage" ដែលនឹងក្លាយជាបច្ចេកវិទ្យាកាមេរ៉ាថ្មី សម្រាប់ប្រើប្រាស់នៅលើស្មាតហ្វូន vivo X100 Ultra។ សម្រាប់ពាក្យថា "Blue" នេះ ត្រូវបានគេបញ្ជាក់ថា ប្រើប្រាស់ទៅលើម៉ាកយីហោរបស់ Vivo ខណៈពេលដែលឈ្មោះ "Blue Factory" អាចនឹងក្លាយជា nickname ថ្មីសម្រាប់ប្រើប្រាស់នៅលើស្មាតហ្វូនថ្មីនាពេលខាងមុខនេះ។ មកដល់ពេលនៅមិនទាន់មានព័ត៌មានច្បាស់លាស់ពី BlueImage នេះនោះទេ។ បច្ចេកវិទ្យាថ្មីនេះត្រូវបានគេបញ្ជាក់ថា នឹងមានបញ្ចូលនូវបច្ចេកវិទ្យាជាច្រើនដូចជាបន្ទះឈីប V-series អញ្ចឹង។
សូមជំរាបថា បន្ទះឈីប V-Series ត្រូវបានក្រុមហ៊ុនប្រកាសដាក់អោយប្រើប្រាស់ជាលើកដំបូងបំផុតនៅក្នុងឆ្នាំ 2021 កន្លងទៅ។ ហើយបន្ទះឈីបនេះ V3 ក៏ត្រូវបានដាក់អោយប្រើប្រាស់នៅលើស្មាតហ្វូននៃត្រកូល vivo X100 series កាលពីពេលថ្មីនេះផងដែរ។ គួរបញ្ជាក់ថា នៅពេលនេះ ក្រុមហ៊ុន vivo មិនត្រឹមតែបង្កើតនូវបន្ទះឈីបសម្រាប់ជំនួយដល់ការផលិតរូបភាពនោះទេ ក្រុមហ៊ុន Vivo ក៏បានធ្វើការអភិវឌ្ឍទៅលើ image processing algorithms ផ្ទាល់ខ្លួនផងដែរ។
ក្រុមហ៊ុននេះ បញ្ជាក់ថា BlueImage នឹងមានសមត្ថភាព អាចនឹងដោះស្រាយទៅលើបញ្ហាជាច្រើននៃការថតរូបភាពដូចជាការថតរូបភាពនៅកន្លែងដែលមានពន្លឺទាបនៅពេលដែលប្រើប្រាស់នូវ telephoto lens, group shotsនិងជាច្រើនទៀត។ ក្រុមហ៊ុននេះ ក៏បានប្រកាសបន្តនូវកិច្ចសហការជាមួយនឹងក្រុមហ៊ុន Zeiss ហើយនិងប្តេជ្ញាបន្តក្នុងការអភិវឌ្ឍទៅលើ lenses សម្រាប់ស្មាតហ្វូនរបស់ខ្លួនថែមទៀតផង។ កិច្ចសហការវាងក្រុមហ៊ុន vivo និង Zeiss នេះ នឹងអាចបង្កើតនូវសករាជថ្មីដ៏អស្ចារ្យនៅក្នុងការថតរូបភាព។
ប្រភពខាងលើនេះបន្តថា ស្មាតហ្វូន vivo X100 Ultra នេះ នឹងមានប្រើប្រាស់នូវ 1/0.98 អ៊ីង Sony Lytia LYT-900 (50MP) និងឡែន 100mm (4.3x) periscope ហើយក៏មានអមជាមួយនឹងសិនស័រទំហំ 200MP។ ក្រុមហ៊ុន vivo ក៏មានគម្រោង Blue-Themed Projects ជាច្រើនដូចជា BlueOS (Blue River OS) និងបច្ចេកវិទ្យាថាមពលថ្ម Blue Ocean ដែលប្រើប្រាស់នៅលើស្មាតហ្វូន X100 ថែមទៀតផង៕
