កម្មវិធីប្រណាំងរថយន្ត 2 នៅក្នុងចំណោមកម្មវិធីប្រណាំងរថយន្តកំពូលៗជាច្រើនទៀត បាននឹងកំពុងតែសម្លឹងមើលរកការផ្លាស់ប្តូរយ៉ាងធំសម្រាប់អនាគតរបស់ខ្លួននីមួយៗ។ យ៉ាងណាមិញ ក្រុមហ៊ុន Red Bull ក៏អាចនឹងបញ្ឈប់ការប្រណាំងរថយន្តនៅ Le Mans ផងដែរ។ តាមប្រសាសន៍របស់ លោក Dr Helmut Marko ប្រាប់ទៅកាន់ Autosport ពីអនាគតរថយន្តប្រណាំង Formula One របស់ក្រុមហ៊ុន Red Bull ថា “ការបញ្ឈប់ គឺជាជម្រើសមួយ ឬការធ្វើរឿងផ្សេងទៀត។ លោកបាននិាយថា កន្លងមក រថយន្តជាច្រើន បានលក់អស់រលីងនៅក្នុងមួយរយៈពេលខ្លីនាពេលថ្មីៗនេះ ដែលនេះត្រូវបានគេនិយាយថា គឺជាសសរស្តម្ភដ៏ល្អមួយ សម្រាប់បច្ចេកវិទ្យាជាច្រើនរបស់ Red Bull Technologies នោះ។
កន្លងមក ក្រុមហ៊ុន Red Bull ធ្លាប់បានសហការជាមួយនឹងក្រុមហ៊ុន Aston Martin (ធ្វើជាអ្នកឧបត្ថម្ភដល់ក្រុមការងារ F1) ទៅលើការអភិវឌ្ឍរថយន្ត Valkyrie ដែលជាប្រភេទរថយន្ត 12 ស៊ីឡាំង hybrid hyper car ដើម្បីចាប់ផ្តើមការផលិតឆាប់ៗនេះ ប៉ុន្តែចំនួនរថយន្ត គឺមានកំណត់។ រថយន្ត Valkyrie ត្រូវបានគេដឹងរួចមកហើយថា បានត្រៀមខ្លួនជាស្រេច សម្រាប់ព្រឹត្តិការណ៍ប្រណាំង Le Mans និងព្រឹត្តិការណ៍ FIA World Endurance Championship ដែលជាការចូលរួមប្រណាំងរថយន្ត Hypercars នាពេលខាងមុខនេះ។
ទាក់ទងជាមួយនឹងព័ត៌មានរសើបខាងលើនេះ មានសំណួរសួរថា តើ Red Bull ពិតជានឹងបោះបង់ចោលរថយន្ត F1 សម្រាប់ព្រឹត្តិការណ៍ប្រកួតនៅ Le Mans មែនទេ? ចំពោះចម្លើយ គឺរង់ចាំការចរចារជាមួយនឹង Liberty Media ជាមុនសិន។ លោក Marko បាននិយាយថា “ប្រសិនបើមានការចំណាយច្រើនទៅលើ Formula 1 យើងនឹងកាត់បន្ថយចំនួនមនុស្ស។ យើងមិនចង់ធ្វើបែបនេះនោះទេ។ យើងអាចប្រើប្រាស់នៅពេលក្រោយ សម្រាប់គម្រោងជាច្រើនដូចជានៅ Le Mans ឬព្រឹត្តិការណ៍ WEC សម្រាប់រថយន្ត Valkyrie នេះ៕”
