ជាមួយនឹងការបង្ហាញខ្លួននៅលើទីផ្សារសម្រាប់ម៉ូដែលនៅក្នុងឆ្នាំ 2015 នេះ រថយន្ត Jeep Renegade នៅតែជាតម្រូវការនឹងមានការប្រកួតប្រជែងខ្ពស់នៅលើទីផ្សារដដែល។ រថយន្តស៊េរីថ្មី Renegade 2019 នឹងបង្ហាញខ្លួននៅថ្ងៃទី 6 ខែមិថុនាគឺនៅថ្ងៃពុធនេះ។ ប៉ុន្តែរថយន្តនេះ មិនមែនបង្ហាញខ្លួននៅក្នុងទីក្រុង Detroit, Michigan ឬ Toledo, Ohio នោះទេ។
ថ្មីៗនេះ ក្រុមហ៊ុនផលិតរថយន្ត Jeep ទើបតែបានប្រកាសថា ខ្លួនបង្ហាញនូវរថយន្ត Renegade 2019 នៅក្នុងព្រឹត្តិការណ៍ Turin Motor Show នៅក្នុងប្រទេសអ៊ីតាលី។ ពេលនេះ មានត្រឹមតែរូបភាព Teaser តែមួយសន្លឹកប៉ុណ្ណោះ ដែលបង្ហាញខ្លួនរហូតមកទល់ពេលនេះ ដោយបង្ហាញថា រថយន្តនេះ គឺប្រើប្រាស់នូវអំពូលភ្លើង “X” light ដែលស្រដៀងគ្នាទៅនឹងភ្លើង taillight របស់រថយន្ត Renegade អញ្ចឹងដែរ។
ក្រុមហ៊ុន Jeep បានបញ្ជាក់ថា រថយន្ត Renegades នៅតំបន់អ៊ឺរ៉ុបនឹងប្រើប្រាស់នូវម៉ាស៊ីនម៉ាស៊ូតទំហំ 1.0-liter three-cylinder ជាមួយនឹងកម្លាំង 120hp ឬ 1.3-liter four-cylinders ជាមួយនឹងកម្លាំង 150hp ឬ 180hp នោះ។ អ្នកតាមដានរឿងនេះ បាននិយាយថា ពួកគេ ពិតជាមានការភ្ញាក់ផ្អើលមែនទែន ដែលក្រុមហ៊ុននេះ មិនមានការលើកឡើងអំពី hybrid ដូចបណ្តាក្រុមហ៊ុនដទៃ ម្យ៉ងទៀត សម្រាប់រថយន្ត Renegades នៅសហរដ្ឋអាមេរិក ក៏នឹងប្រើប្រាស់នូវម៉ាស៊ីន 3 ស៊ីឡាំងផងដែរ ពួកគេសង្ឃឹមថា ព័ត៌មានលម្អិតរបស់រថយន្តនេះ នឹងមានបញ្ចេញនៅសប្តាហ៍ក្រោយនេះ៕
