no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ដំណើរកំសាន្ត និងបោះជំរុំ Ford Adventure 2019 នឹងចេញពីកម្ពុជាទៅកាន់ទឹកដីឡាវ ជាមួយនឹងក្បួនរថយន្តដល់ទៅជាង 130 គ្រឿង

នៅថ្ងៃទី 23 ខែវិចិ្ឆកា ឆ្នាំ 2019 ក្រុមហ៊ុន Ford បានរៀបចំសន្និសីទ្ធសារព័ត៌មានស្តីពីដំណើរកំសាន្តបោះជំរុំ និង Adventure របស់អតិថិជន FORD ប្រចាំឆ្នាំ 2019 ដែលដំណើរកម្សាន្តឆ្នាំនេះ នឹងឆ្លងដែនដ៏អស្ចារ្យឆ្ពោះទៅកាន់ទឹកដីឡាវ នៅដើមខែធ្នូ ខាងមុខនេះ ជាមួយនឹងក្បួនដង្ហែ រថយន្ត Ford ចំនួនដល់ទៅជាង 130 គ្រឿង។ ម្ចាស់រថយន្ត FORD គ្រប់រូប ដែលជាអតិថិជនរបស់ក្រុមហ៊ុន អ អិម អេ ខេមបូឌា នឹងកាន់តែសប្បាយរីករាយជាមួយ ដំណើរកំសាន្តដែលរៀបចំ ដោយក្រុមហ៊ុន អ អិម អេ ខេមបូឌា (RMA Cambodia) នៅក្នុងប្រទេសកម្ពុជានៅពេលនេះ។ 

 

no-alternative title

ក្បួនរថយន្តពីភ្ញៀវទេសចរកម្ពុជាប្រមាណ 130 គ្រឿងដែលជារថយន្តម៉ាកហ្វដ ទាំងអស់នោះ នឹងចេញពីទឹកដីកម្ពុជាទៅកាន់ទឹកដីប្រទេសឡាវ ដោយមានភ្ញៀវទេសចរកម្ពុជាប្រមាណ 600 នាក់ទៅកម្សាន្តនៅ រមណីយដ្ឋានទឹកដីឡាវផងដែរ  ។ ព្រឹត្តិ ការណ៍ត្រូវបានគេហៅថា ដំណើរកម្សាន្តផ្សងព្រេង ដែលរៀបចំឡើងដោយក្រុមហ៊ុនលក់រថយន្តម៉ាក ហ្វដ នៅកម្ពុជា ។ 

លោក សេង វឹង ដែកជាប្រធានគ្រប់គ្រងរថយន្តហ្វដនៃក្រុមហ៊ុនអ អិម អេ ខេមបូឌា នឹងជាអ្នករៀបចំកម្មវិធីនេះ បានមានប្រសាសន៍ថា ដំណើរកម្សាន្តផ្សងព្រេងរបស់ក្រុមហ៊ុនហ្វដ គឺបានធ្វើឡើងចាប់តាំងពីឆ្នាំ  2007 មកម្ល៉េះ បានធ្វើដំណើរទៅកាន់ខេត្តមណ្ឌលគីរី ខេត្តរតនគីរី ខេត្តប៉ៃលិន ប្រទេសឡាវ និងប្រទេសថៃជាដើម ។ សម្រាប់ឆ្នាំ  2019 នេះ ដំណើរកម្សាន្តផ្សេងព្រេងរបស់ប្រជាពលរដ្ឋកម្ពុជា ដែលប្រើប្រាស់រថយន្តហ្វដ នឹងទៅកាន់ទឹកដីឡាវម្ដងទៀត ជាមួយនឹងក្បួនរថយន្តប្រមាណ 130 គ្រឿងដែលមានអ្នកចូលរួមប្រមាន 600 នាក់ ។

លោកបន្តថា កាលពីឆ្នាំ 2012 និងឆ្នា 2013 យើងក៏បាននាំភ្ញៀវទេសចរពីកម្ពុជា ទៅកាន់ទឹកដីឡាវរួចមកហើយ ដើម្បីអោយដឹងពីបទពិសោធន៍នៃការបើកបរនៅក្នុងទឹកដីប្រទេសគេ និងបទពិសោធន៍បោះជំរុំគេងនៅតំបន់រមណីយដ្ឋានក្នុងទឹកដីឡាវ ។ លោកថាកាលពីឆ្នាំនោះ អាកាសធាតុនៅក្នុងទឹកដី ឡាវគឺត្រជាក់ខ្លាំង ហើយឆ្នាំក៏ដូចគ្នាដូច្នេះសូមអ្នកដែលចូលរួមត្រូវត្រៀមនូវសម្ភារៈមួយចំនួនដើម្បីទប់ទល់នឹងអាកាសធាតុដ៏ត្រជាក់នៃខេត្តមួយនេះ ។ 

លោកបន្ថែមថា គោលបំណងនៃការរៀបចំកម្មវិធីនេះ គឺដើម្បីអោយប្រជាពលរដ្ឋដែលបានទិញរថយន្តរបស់ខ្លួនទៅប្រើប្រាស់អាចទទួលបានបទពិសោធន៍បើកបរចំងាយផ្លូវវែង និងពិបាកៗមួយចំនួន ធ្វើអោយដឹងពីសមត្ថភាពនៃកំលាំងរថយន្តទាំងនោះ ម្យ៉ាងទៀត វាក៏ជាឱកាសសម្រាប់ពាណិជ្ជករកម្ពុជា ជួបគ្នាជជែកពីការងារផង និងកម្សាន្តជាមួយគ្នាផងដែរ ។ នៅក្នុងព្រឹត្តិការណ៍នេះដែរ យើងក៏មានរៀបចំអំណោយមួយចំនួនសម្រាប់ចែកជូនដល់ពលរដ្ឋក្រីក្រ នៅខេត្តតំបន់ដាច់ស្រយ៉ាល ដែលពួកយើងធ្វើដំណើរកាត់តាមនោះ ។

គួរបញ្ជាក់ថា សម្រាប់ព្រឹត្តិការណ៍ដំណើរកម្សន្តផ្សងព្រេងរបស់ប្រពលរដ្ឋកម្ពុជា ដែលប្រើប្រាស់រថយន្តម៉ាកហ្វដ សម្រាប់ឆ្នាំ2019 នេះ នឹងធ្វើដំណើរកាត់តាមខេត្តស្ទឹងត្រែង រួចបន្តដំណើរទៅកាន់ខេត្តចំប៉ាសាក់នៃប្រទេសឡាវ ដែលមានរយៈពេល 4 ថ្ងៃ 3 យប់ ចាប់ពីថ្ងៃទី 6 ដល់ថ្ងៃទី 9 ខែធ្នូ ឆ្នាំ 2019 ៕

 

no-alternative title

no-alternative title
ព័ត៌មានពាណិជ្ជកម្ម