យោងតាមព័ត៌មានថ្មីចេញផ្សាយនៅថ្ងៃនេះ បានបង្ហាញថា ការលក់នៃរថយន្តអគ្គិសនីរបស់ប្រទេសចិន គឺមានកំណើនខ្លាំងបំផុត ហើយភាគច្រើនចេញពីក្រុមហ៊ុនផ្គត់ផ្គង់ BYD & Xpeng ដែលបង្ហាញអំពីការកើនឡើងខ្លាំងមែនទែននៅក្នុងខែនេះ។ តួរលេខបានបង្ហាញថា រថយន្តប្រភេទនេះ មានកំនើនពេញមួយឆ្នាំ ហើយតម្រូវការទៅលើរថយន្តអគ្គិសនីក៏កំពុងតែកើនឡើងខ្លាំងបំផុតនៅលើពិភពលោកផងដែរ។
ក្រុមហ៊ុន BYD ដែលមានមូលដ្ឋាននៅក្នុងទីក្រុង Shenzhen បាននិយាយថា ការលក់ទៅលើរថយន្តអគ្គិសនីនេះ គឺមានការកើនឡើង 3 ដងនៅក្នុងខែកញ្ញាឆ្នាំ 2021 នេះ ទៅដល់ចំនួន 71,099 គ្រឿង បើធៀបជាមួយនឹងតួរលេខនៅឆ្នាំមុននេះ គឺមានចំនួនត្រឹមតែ 19,881 ប៉ុណ្ណោះ។ ក្រុមហ៊ុន XPeng របស់ក្រុមហ៊ុន Alibaba គឺមានការកើនឡើង 200% នៅក្នុងការនាំចេញចំនួន 10,412 គ្រឿង។ នៅក្នុងរយៈពេល 9 ខែនេះ តួរលេខបានបង្ហាញថា គឺមានការកើនឡើង 301% ទៅកាន់ចំនួន 56,404 គ្រឿង ។
ថ្មីៗនេះ ក្រុមហ៊ុន XPeng ទើបតែបង្ហាញនូវគម្រូរថយន្តដែលអាចហោះបាន X2 ផងដែរ។ ទីផ្សារផលិតរថយន្តរបស់ចិន គឺបន្តមានការផ្លាស់ប្តូរបើធៀបទៅនឹងប៉ុន្មានឆ្នាំមុននេះ ដែលការលក់រថយន្តអគ្គិសនី គឺមានការធ្លាក់ចុះខ្លាំងក្លាមែនទែន។ រថយន្តអគ្គិសនីនេះ គឺមាន 1 ភាគ 5 នៃការលក់រថយន្ត 1.8 លានគ្រឿងនៅក្នុងប្រទេសចិននៅក្នុងខែសីហានេះ៕