Ford Motors បាននឹងកំពុងមានការពិភាក្សារជាមួយនិងក្រុមហ៊ុន BYD ដែលជាក្រុមហ៊ុនផលិតអាគុយ EV របស់ធំរបស់ប្រទេសចិន ទៅលើការទិញរោងចក្រផលិតរថយន្តរបស់ក្រុមហ៊ុននេះនៅប្រទេសអាល្លឺម៉ង់។ ក្រុមហ៊ុន Ford បានបញ្ជាក់ថា រោងចក្រនៅអាល្លឺម៉ង់នេះ នឹងលក់ទៅអោយក្រុមហ៊ុន BYD ដែលនេះគឺជាការផ្តល់ឱកាសថ្មីសម្រាប់ BYD ធ្វើការពង្រីកទីផ្សាររបស់ខ្លួននៅអឺរ៉ុប។
នៅពេលនេះ ក្រុមហ៊ុន Ford បានធ្វើការបន្ថយទៅលើការផលិតរថយន្តពេញនិយមមួយចំនួនរបស់ខ្លួនមួយហើយ។ រថយន្ត Ford Focus ត្រូវបានគេស្គាល់ថា គឺជាម៉ូដែលមួយដែលពេញនិយមបំផុត ដោយក្រុមហ៊ុននេះបានងាកចេញមកផលិតនូវម៉ូដែលអគ្គិសនីវិញ។ បើតាមរបាយការណ៌នោះ គឺបាននិយាយថា រោងចក្ររបស់ Ford នៅអាល្លឺម៉ង់ នឹងគ្រប់គ្រប់ដោយក្រុមហ៊ុន BYD នៅក្នុងពេលឆាប់ៗនេះហើយ។ បន្ថែមពីនេះ របាយការណ៌ថ្មីដែលចេញនៅលើ The Wall Street Journal ក៏បានបញ្ជាក់ថា រោងចក្រនេះ នឹងលក់ទៅអោយ BYD ដែលជាក្រុមហ៊ុនផលិតអាគុយអគ្គិសនីដ៏ធំបំផុតរបស់ចិនផងដែរ។
សូមជំរាបថា កាលពីឆ្នាំមុននេះ ក្រុមហ៊ុន BYD បានបញ្ចេញននូវម៉ូដែល ICE នៅលើទីផ្សារ ហើយនៅពេលនេះ ក្រុមហ៊ូននេះបានសម្រេចបញ្ចេញនូវម៉ូដែលពេញលេញនៃអគ្គិសនី ឬប្រភេទ hybrid models ហើយ។ ក្រុមហ៊ុននេះ បាបបន្តចាប់ដៃគ្នាជាមួយនិងដៃគូរជាច្រើនទាំងតំបន់អាស៊ី និងអឺរ៉ុប។ ក្រុមហ៊ុននេះ បានឈានជើងចូលអឺរ៉ុបកាលពីឆ្នាំ 2020 ដោយចាប់ផ្តើមដំបូងនៅប្រទេសន័រវេស។ សម្រាប់ឆ្នាំ 2023 នេះ ក្រុមហ៊ុន BYD នឹងធ្វើចាប់ផ្តើមពីប្រទេសបារាំង និងចក្រភពអង់គ្លេស ស្របពេលដែលថ្ងៃនេះ មានដំណឹងថា ក្រុមហ៊ុន BYD កំពុងតែដំណើរការនៅលើការចចារទិញរោងចក្រក្រុមហ៊ុន Ford នៅអាល្លឺម៉ង់នេះ។
