កាលពីថ្ងៃទី 13 ខែតុលាមិ្សលមិញនេះ នៅផ្សារទំនើប Aeon Mall ក្រុមហ៊ុន Vivo ជាស្លាកសញ្ញាស្មាតហ្វូនដ៏ល្បីល្បាញនៅលើពិភពលោក បានប្រកាសសម្ពោធជាផ្លូវការ និងនាំយក Vivo V7+ ជាស្មាតហ្វូនរបស់ខ្លួន ដែលបំពាក់នូវកាមេរ៉ាមុខសម្រាប់ថត សែលហ្វីទំហំ 24 មេហ្កាភិចសែលជាមួយនឹងអេក្រង់លាតសន្ធឹង FullViewTM Display ទំហំ 5.99 អ៊ីង មកកាន់ទីផ្សារប្រទេស កម្ពុជាហើយ ដោយមានកំពូលតារាចម្រៀងតំលៃខ្លួនខ្ពស់កប់ពពករបស់កម្ពុជាយើង គឺ លោក ព្រាប សុវត្ថិ ជាឯកអគ្គរាជទូតតំណាងផលិតផលរបស់ខ្លួនថែមទៀតផង។ ព្រឹត្តិការណ៍នេះ គឺមានការចូលរួមពីសំណាក់តារាចំរៀងល្បីៗជាច្រើនដូចជា លោក នី រតនា កញ្ញា សុគន្ធ នីសា ពិធីករ លោក Rasy និង Vj NaNa រួមជាមួយនឹងតារាបង្ហាញម៉ូតស្អាតៗជាច្រើនរូបទៀត។
តាមការបញ្ជាក់របស់ញ្ញា តែ ស្រីពេជ្រ ដែលជាប្រធានផ្នែកលក់របស់ក្រុមហ៊ុនប្រចំាក្រុមហ៊ុន Vivo កម្ពុជា បានអោយដឹងថា Vivo V7+ គឺជាស្មាតហ្វូនថ្មីមួយ ដែលផ្តោតទៅលើការថតរូបស្អាត និងការកម្សាន្តដ៏សម្បូរ បែបដែលសក្តិសមបំផុតសម្រាប់យុវវ័យ និងមនុស្សសម័យថ្មី។ វាមានលក្ខណៈពិសេស និងបំពាក់នូវបច្ចេកវិទ្យាទំនើបៗ ថ្មីៗ ប្លែកៗ ដែលពិបានស្វែងរក នៅលើស្មាតហ្វូនដ៏ទៃ។ ស្មាតហ្វូននេះ មានកាមេរ៉ាមុខទំហំ 24 មេហ្កាភិចសែលដែលមានភ្ជាប់មកជាមួយនឹងមុខងារជំនួយសម្រស់ជំនាន់ទី 7 និងមុខងារបន្ថែមសម្រស់ពេលសន្ទនាជាវីដេអូ អាចជួយអោយអ្នកថតរូប សែលហ្វីបានកាន់តែស្អាតតាមបែបធម្មជាតិ បំបាត់ស្លាកស្នាម ក៏ដូចជាពេលសន្ទនាជាវីដេអូជាដើម។ បន្ថែមលើសពីនេះ ទៅទៀត វាក៏មានបំពាក់នូវកាមេរ៉ាក្រោយទំហំ 16 មេហ្កាភិចសែល ដែលមានមុខងារថតរូបអាជីពអាចថតរូបបានស្អាតគ្រប់ចំណុចថែមទៀតផង!
បន្ថែមពីលើនេះ ស្មាតហ្វូន Vivo V7+ ក៏មានភ្ជាប់មកជាមួយអេក្រង់លាតសន្ធឹង 18:9 FullViewTM Display ទំហំ 5.99 អ៊ីងផងដែរ ដោយផ្តល់ជូននូវផ្ទៃបង្ហាញរូបភាព 12,5% បន្ថែមទៀត បើប្រៀបនឹងអេក្រង់ 16:9 ធម្មតា។ ក្រុមហ៊ុន បានបញ្ជាក់ថា នេះគឺជាបទពិសោធន៏ថ្មី នៃការអានអក្សរ មើលវីដេអូ ក៏ដូចជាការលេងហ្គេមកាន់តែអស្ចារ្យ កាន់តែងាយស្រួល! Vivo V7+ បានបំពាក់ដោយបន្ទះឈីបប្រភេទ Octa-core Qualcomm មាន RAM ទំហំ 4GB និងមានអង្គផ្ទុកទិន្នន័យទំហំ 64GB ដែលអាចធានាឱ្យការប្រើប្រាស់មានភាពរលូន។ ជាមួយគ្នានេះ ស្មាត ហ្វូន Vivo7+ ក៏បានបំពាក់មកជាមួយឈីប AK4376A Hi-Fi ដែលផ្តល់ជូនការស្តាប់តន្រ្តីបានយ៉ាងពិរោះរន្តំដូចទស្សនាការប្រគុំផ្ទាល់ផងដែរ។
Vivo V7+ ដំណើរដោយប្រព័ន្ធប្រតិបត្តិការ Funtouch 3.2 Base on Android 7.1 ដែលមានលក្ខណៈពិសេស ងាយស្រួលប្រើ ជាមួយនឹងមុខងារមានប្រយោជន៍ជាច្រើនដូចជា មុខងារចែកអេក្រង់ 3.0 និង មុខងារដោះសោរដោយស្កេនទម្រង់មុខ ដែលធ្វើឲ្យវាក្លាយជាដៃគូដ៏ល្អបំផុតសម្រាប់ជីវិតប្រចាំថ្ងៃរបស់អ្នក។ មុខងារពិសេសៗ ៖ មុខងារបន្ថែមពន្លឺភ្លើងស្រទន់ពេលថតសែលហ្វី, មុខងារបន្ថែមសម្រស់ពេលថតសែលហ្វី, មុខងារកាមេរ៉ាអាជីព, Face Acess: ដោះសោរដោយស្កេនទម្រង់មុខ, បច្ចេកវិជ្ជាតន្ត្រី Hi-Fi, មុខងារចែកអេក្រង់ 3.0, មុខងារកម្មវិធីបំបែកខ្លួន, មុខងារទប់ស្កាត់ការរំខានពេលលេងហ្គេម និងមុខងារបន្ថែមសម្រស់ពេលសន្ទនាជាវីដេអូជាដើម។ Vivo V7+ ចាប់មានលក់នៅលើទីផ្សារកម្ពុជា ចាប់ពីថ្ងៃនេះហើយជាមួយនឹងតំលៃពិសេសបំផុត 399 ដុល្លារ នឹងការថែមជូនកាដូយ៉ាងច្រើនសន្ធឹកសន្ធាប់។
សូមជំរាបថា រហូតមកដល់ពេលបច្ចុប្បន្ននេះក្រុមហ៊ុន vivo បាននាំចូលផលិតផលក្នុងទីផ្សារកម្ពុជា នូវស្មាតហ្វូនចំនួន7ម៉ូដែល ដែលមានដូចជា V7+, V5Plus, V5s, Y69, Y55s, Y53, Y51 ដែលមានតំលៃចាប់ពី 139 ដុល្លារអាមេរិច រហូតដល់ 399 ដុល្លារអាមេរិច។ គួរបញ្ជាក់ផងដែរថាអ្វីដែលធ្វើអោយស្មាតហ្វូន vivo ទទួលបានជោគជ័យ និងបោះជំហានលើទីផ្សារនៅពិភព លោកបានយ៉ាងឆាប់រហ័សនោះដោយសារស្មាតហ្វូន vivo មានចំណុចពិសេសលេចធ្លោរ លើកាមេរ៉ាមុខសម្រាប់ថតសែលហ្វីស្អាត ទំហំធំជាងគេ និងបច្ចេកវិទ្យាតន្រ្តី Hi-Fi ស្តាប់យ៉ាងពិរោះរន្តំមុនគេថែមទៀតផង។ ព័ត៌មានបន្ថែមសូមចូលទៅកាន់ហ្វេសប៊ុកផេកផ្លូវការ Vivo Cambodia រឺ វេបសាយ៖ www.vivomobile.com.kh
