ថ្មីៗនេះ ក្រុមហ៊ុន Meizu បានសម្រេចនាំមកនូវស្មាតហ្វូនស៊េរីថ្មីមួយម៉ូដែលបន្ថែមទៀតហើយ សម្រាប់ទីផ្សារប្រទេសកម្ពុជា ដែលស្មាតហ្វូននេះ គឺមានឈ្មោះហៅថា Meizu M6T។ ស្មាតហ្វូននេះ ត្រូវបានក្រុមហ៊ុនប្រកាសដាក់លក់នៅក្និងតម្លៃ $153 ដោយមានថែមជជូននូវកាសធំមួយ និងអាវភ្លៀងមួយផងដែរ។ អតិថិជន អាចរកជាវស្មាតហ្វូន Meizu M6T នៅគ្រប់បណ្តាហាងដែលជាដៃគូរបស់ Meizu នៅទូទាំងប្រទេសកម្ពុជា។
សូមជំរាបថា ស្មាតហ្វូន Meizu M6T គឺជាស្មាតហ្វូនថ្នាក់កណ្តាល ដែកមានតម្លៃសមរម្យលម្មប្រើ។ ស្មាតហ្វូននេះ មានអេក្រង់ទំហំ 5.7 អ៊ីង ដែលមានកម្រិត 18:9 ratio នឹងអាចទ្រទ្រង់ជាមួយនឹងកម្រិតរូបភាព នឹងវីដេអូបានទំហំ 720x1440 ភិចសែល។ និយាយពីការថតរូបវិញ M6T បំពាក់នូវកាមេរ៉ាក្រោយភ្លោះ ដោយមួយគ្រាប់មានទំហំ 12MP និងមួយគ្រាប់ទៀតមានទំហំ 5MP ដែលអាចថតរូបភាពបានច្បាស់មិនចាញ់សិស្សច្បងប៉ុន្មាននោះទេ រីឯវីដេអូក៏គ្រាន់បើដែរ គឺអាចថតបាននៅកម្រិត1080p@30fps។ សម្រាប់កាមេរ៉ាមុខវិញ គឺមានទំហំ 8MP លោកអ្នកអាច Selfie បានម៉ាសប្បាយជាមួយនឹងរូបភាពច្បាស់គ្រប់ស្ថានភាព។
ចំពោះកំលាំងម៉ាស៊ីនវិញ ស្មាតហ្វូន Meizu M6T ថ្មីនេះ ដំណើរការនូវប្រព័ន្ធប្រតិបត្តិការ Android 7.0 និងរ៉េមទំហំ 3GB និងអង្គចងចាំទំហំ 32GB ហើយនឹងបំពាក់នូវបន្ទះឈីប Mediatek MT6750 ប្រភេទ Octa-core (4x1.5 GHz Cortex-A53 & 4x1.0 GHz Cortex-A53) នឹងមានក្រាហ្វិកកាតប្រភេទ Mali 820MP1 GPU ដែលបង្ហាញចេញនូវក្រាហ្វិកបានច្បាស់បំផុត។ ស្មាតហ្វូន Meizu M6T ភ្ជាប់មកជាមួយថ្មទំហំ 3300mAh ដែលអាចបំរើលោកអ្នកបានពេញមួយថ្ងៃដោយគ្មានបញ្ហា។