ថ្មីៗនេះ ក្រុមហ៊ុន Samsung Electronics បានរកឃើញនូវគំនិតមួយថ្មី ហើយនិងបានបង្កើតចេញនូវបច្ចេកវិទ្យាថ្មីទៀតផង ដើម្បីផ្តល់ឲ្យអ្នកជំងឺខ្វាក់ព័ណ៌អាចមើលឃើញរូបភាពដូចធម្មតា ដូចមនុស្សទូទៅ មើលឃើញអញ្ចឹងដែរ។ បច្ចេកវិទ្យានេះ ត្រូវបានគេឲ្យឈ្មោះថា កម្មវិធី SeeColorដែលត្រូវបានតម្លើងក្នុងគ្រប់ទូរទស្សន៍ QLED របស់ Samsung នៅទូទាំងពិភពលោក។
កម្មវីធីនេះ ពិនិត្យភ្នែករបស់អ្នកជំងឺ ហើយធ្វើការកែសម្រួលពណ៌ទៅតាមនោះ។ ឥលូវនេះ កម្មវិធី SeeColors អាចធ្វើឲអ្នកដែលមានជំងឺខ្វាក់ពណ៌ អាចមើលឃើញពណ៌ពេញលេញ និងគ្រប់ប្រភេទនៅលើកញ្ចក់ទូរទស្សន៏ QLED របស់ Samsung។ទូរទស្សន៍ QLED ប្រើចំណុច Quantum ដើម្បីបង្កើតពន្លឺនេះ។ ដូច្នេះ អ្នករាល់គ្នា គឺអាចទទួលបាននូវបទពិសោធន៏ជាមួយនឹងពណ៌ដ៏ស្រស់ត្រកាល ជាមួយនឹងទូរទស្សន៏ QLED រួមទាំងអ្នកដែលមានជំងឺងងឹតពណ៌ផងដែរ។
ជំងឺខ្វាក់ពណ៌អាចនឹងកើតឡើងចំពោះបុរសម្នាក់ក្នុងចំណោមបុរស 12 នាក់និងស្ត្រីម្នាក់ក្នុងចំនោម 200 នាក់។អ្វីដែលចោទជាបញ្ហានោះគឺថា លោកអ្នក ដែលមានជំងឺនេះមានរហូតដល់ជិត 300 លាននាក់ឯណោះ ខណៈដែលអ្នកខ្លះ មិនបានដឹងថាខ្លួនកំពុងមានជំងឺនេះទេ។ហើយទោះបីជាពួកគេដឹងក៏ដោយ ពួកគេប្រហែលជាមិនបានចាប់អារម្មណ៍ថាខ្លួនឯងកំពុងមើលពណ៌ច្រឡំនោះឡើយ។ សាស្រ្តាចារ្យ KlaraWenzel នៅសកលវិទ្យាល័យបច្ចេកវិទ្យានិងសេដ្ឋកិច្ច Budapest មានប្រសាសន៏ថា“ពួកយើងចាប់ផ្ដើមការស្រាវជ្រាវនេះអស់រយៈពេលជិត 30 ឆ្នាំមកហើយគ្មានវិធីដែលអាចព្យាបាលជំងឺប្រភេទនេះបាននៅឡើយនោះទេប៉ុន្តែយើងអាចជួយអ្នកដែលកើតជំងឺទាំងនេះបាន”។
លោក Yui YoonLee នាយកវិស្វករនៃក្រុមហ៊ុន Samsung Electronics ដែលបានសហការគ្នានៅលើគម្រោងនេះពន្យល់បន្ថែមថា“កម្មវិធី SeeColors ដំណើរការតាមជំហានងាយៗ។ បន្ទាប់ពីអ្នកប្រើប្រាស់ទាញយកកម្មវិធីនេះពី Smart TV app store អ្នកនឹងទទួលបានការធ្វើតេស្តនិងវិនិច្ឆ័យដោយជាក់លាក់មួយ ហើយកម្មវិធីនេះនឹងប្តូរការកំណត់ពណ៌របស់ទូរទស្សន៍ QLED ដោយស្វ័យប្រវត្តិតាមលទ្ធផលនៃការធ្វើតេស្ត៍របស់អ្នកជងឺ។អ្វីដែលពិសេសនោះគឺថាកម្មវិធីនិងទូរទស្សន៍អាចឲ្យអ្នកជំងឺខ្វាក់ពណ៌មើលឃើញពណ៌យ៉ាងច្បាស់ក្រឡែតនិងត្រឹមត្រូវដូចមនុស្សដែលមានភ្នែកធម្មតាអញ្ចឹងដែរ។ ក្រុមហ៊ុន Samsung Electronics បានបង្កើតកម្មវិធី SeeColors ដែលជាផ្នែកមួយនៃការប្តេជ្ញាចិត្តរបស់ខ្លួនដើម្បីអភិវឌ្ឍន៏ការរស់នៅរបស់មនុស្សតាមរយៈបច្ចេកវិទ្យា។
