នៅឆ្នាំនេះក្រុមហ៊ុន OUKITEL បញ្ចេញនូវស្មាតហ្វូនជាច្រើនស៊េរីដ៏ស្រស់ស្អាតដើម្បីប្រកួតប្រជែងនៅលើទីផ្សារ។ នៅពេលថ្មីៗនេះ ក្រុមហ៊ុនក៏ប្រកាសបង្ហាញនូវស្មាតហ្វូនស៊េរីថ្មីមួយទៀត ដែលមានការរចនារូបរាងកាន់តែលេចធ្លោទាក់ទាញស៊ីវិល័យ ពេញចិត្ត ពេញភ្នែក និងពេញដៃក្នុងការប្រើប្រាស់បំផុតនោះគឺ ស្មាតហ្វូន OUKITEL K5000។ ស្មាតហ្វូននេះមិនត្រឹមតែមានការរចនារូបរាងប្រណិតនោះទេ ប៉ុន្តែវាមានថាមពលថ្មខ្លាំង កម្លាំងម៉ាស៊ីនដើរលឿន កាមេរ៉ាច្បាស់ និងអេក្រង់ភ្លឺច្បាស់ក្នុងការទស្សនា។
ការរចនារូបរាងកាន់តែស៊ីវិល័យប្រណិតបំផុត
ស្មាតហ្វូនស៊េរីថ្មី OUKITEL K5000 ប្រើប្រាស់នូវអេក្រង់រាបភ្លឺច្បាស់ទំហំ 5.7 អ៊ីងកម្រិតភាពច្បាស់ HD+ Display ជាមួយនឹងកម្រិត 18:9 Infinity Display ដ៏ស្រស់ស្អាត។ គែមរបស់អេក្រង់នេះគឺកោងបន្តិចនៅផ្ទៃខាងមុខ ខណៈពេលដែលផ្នែកខាងលើ និងផ្នែកខាងក្រោមរបស់អេក្រងមានស៊ុមព័ទ្ធអេក្រង់ស្តើង។ នៅផ្នែកខាងលើគេសង្កេតឃើញមានកាមេរ៉ាខាងមុខ ឧបាល័របំពងសំឡេង និងសេនស័រ។ ក្រឡេកទៅមើលគែមខាងស្តាំរបស់ស្មាតហ្វូននេះវិញ គេសង្កេតឃើញមានប៊ូតុងចំនួន 3 គឺប៊ូតុងឡើងចុះសំឡេង និងប៊ូតុងចាក់សោរ ខណៈគែមខាងស្តាំរបស់ស្មាតហ្វូននេះមានរន្ធសម្រាប់ដាក់ស៊ីម ឬកាត microSD ។
នៅផ្នែកខាងក្រោមបាតរបស់ស្មាតហ្វូននេះគេសង្កេតឃើញមានរន្ធសម្រាប់បញ្ចូលថាមពលថ្ម USB Type-C ដែលទ្រទ្រង់នូវបច្ចេកវិទ្យា Faster Charging ថែមទៀតផង។ នៅផ្នែកខាងក្រោយរបស់ស្មាតហ្វូននេះ ស្មាតហ្វូន OUKITEL K5000 មានកាមេរ៉ាមួយគ្រាប់ជាប់ទន្ទឹមជាមួយនឹងភ្លើង LED Flash ចំនួន 2 គ្រាប់ ខណៈនៅខាងក្រោមកាមេរ៉ានេះគេសង្កេតឃើញមានប្រព័ន្ធស្កេនក្រយ៉ៅដៃ ហើយនៅផ្នែកខាងក្រោមខាងក្រោយគេសង្កេតឃើញមានតួអក្សរ OUKITEL ថែមទៀត។
ប្រព័ន្ធកាមេរ៉ាថតរូបច្បាស់ និងអេក្រង់ត្រជាក់ភ្នែក
ស្មាតហ្វូន OUKITEL K5000 ប្រើប្រាស់កាមេរ៉ាខាងក្រោយទំហំ 16MP របស់ SONY IMX135 ដែលអាចធ្វើការពង្រីកដល់ទៅ 22 ដង ខណៈពេលដែលកាមេរ៉ាខាងមុខរបស់ស្មាតហ្វូននេះមានទំហំ 21MP របស់ Samsung 3P3 ។ ប្រព័ន្ធកាមេរ៉ានេះផ្តល់នូវរូបភាពភ្លឺច្បាស់ស្រស់ស្អាតទាក់ទាញចិត្តក្នុងការប្រើប្រាស់បំផុត។ ស្មាតហ្វូននេះប្រើប្រាស់អេក្រង់ទំហំ 5.7 អ៊ីង កម្រិតភាពច្បាស់ HD Display ដែលងាយស្រួលកាន់ ងាយស្រួលទស្សនាជាមួយនឹងកម្រិតភាពច្បាស់ 1440x720 ភិចសែលជាមួយនឹងកម្រិត 5-Point Multi-Touch ដែលលោកអ្នកអាចប៉ះបញ្ជាដោយប្រើប្រាស់ដៃម្ខាងបានយ៉ាងងាយស្រួល។ កាន់តែពិសេសជាងនេះទៀត អេក្រង់របស់វាជាកញ្ចក់ប្រភេទ 18:9 Full Screen Infinity Display ដែលមានទំហំ 90% បើធៀបជាមួយនឹងតួខ្លួន ហើយវាការពារដោយកញ្ចក់ Dragontrail Glass ។ កញ្ចក់របស់ស្មាតហ្វូននេះគឺជាប្រភេទ 2.5D Display ដែលមានគែមកោងស្រស់ស្អាតបំផុត។
កម្លាំងម៉ាស៊ីនខ្លាំង ថាមពលថ្មកាន់បានយូរ ប្រព័ន្ធសុវត្ថិភាពលឿនរហ័សទាន់ចិត្ត
ស្មាតហ្វូន OUKITEL K5000 ប្រើប្រាស់នូវថាមពលថ្មកម្លាំងដល់ទៅ 5000mAh ដែលអាចប្រើប្រាស់បានរយៈពេលដល់ទៅ 3 ថ្ងៃ ពិសេសជាងនេះទៀតការបញ្ចូលថាមពលថ្មរបស់ស្មាតហ្វូននេះគឺជាប្រភេទ 5V/2A Type-C Charger ដែលពិតជាលឿនមែនទែន។ មួយវិញទៀត ស្មាតហ្វូននេះដំណើរការដោយបន្ទះឈីប MediaTek MT6750T ជាមួយនឹងអង្គគណនា Octa-Core 1.5GHz រ៉េមផ្ទុកទិន្នន័យបណ្តោះអាសន្នទំហំ 4GB និងម៉េមូរីក្នុងម៉ាស៊ីនទំហំ 64GB ថែមទៀតផង។
សម្រាប់ការលេងហ្គេមវិញ ស្មាតហ្វូន OUKITEL K5000 គឺជាជម្រើសមួយដ៏ល្អបំផុតដោយសារតែស្មាតហ្វូននេះមានកម្លាំងម៉ាស៊ីនខ្លាំងមិនធម្មតានោះទេ។ បន្ថែមពីនេះទៀត គ្មានអ្នកណាម្នាក់ដែលអាចចូលដំណើរការស្មាតហ្វូន OUKITEL K5000 បាននោះទេ ប្រសិនបើអ្នកចាក់សោរវាជាមួយនឹងប្រព័ន្ធស្កេនក្រយ៉ៅដៃនោះ។ សម្រាប់លេខសម្ងាត់ដ៏ល្អបំផុតគឺការប្រើប្រាស់ប្រព័ន្ធស្កេនក្រយ៉ៅដៃ Fingerprint Unlock ជាមួយនឹងល្បឿន 0.1 វិនាទី។ ស្មាតហ្វូននេះមាន 3 ពណ៌ដ៏ស្រស់ស្អាតក្នុងការជ្រើសរើសគឺពណ៌ខ្មៅ ពណ៌មាស និងពណ៌ខៀវ៕
អាចរកជាវបាននៅគ្រប់បណ្តាហាងលក់ទូរស័ព្ទទូទាំងប្រទេស: ក្រុមហ៊ុន Oukitel CambodiaTel: 078 266 168