កាលពីថ្ងៃទី 16 ខែមិនា ឆ្នាំ 2018 សណ្ឋាគារ The Great Duke ក្រុមហ៊ុន Panasonic ដែលជាក្រុមហ៊ុនផលិតគ្រឿងអេឡិចត្រូនិក សម្រាប់ប្រើប្រាស់នៅតាមផ្ទះឈានមុខគេរបស់ជប៉ុន បានប្រារព្ធខួបអនុស្សាវរីយ៏លើកទី 100 នៃប្រតិបត្តិការអាជីវកម្មទូទាំងពិភពលោករបស់ខ្លួននៅក្នុងប្រទេសកម្ពុជា។ នៅក្នុងឱកាសនោះ ក្រុមហ៊ុន Panasonic បានបង្ហាញនូវម៉ាស៊ីនត្រជាក់ទំនើបឆ្លាតវៃ SKY SERIES ឆ្នាំ 2018 ដែលជាម៉ូដែលថ្មីចុងក្រោយគេ បំពាក់ដោយបច្ចេកវិទ្យាច្នៃប្រឌិតខ្ពស់បន្សុទ្ធខ្យល់ Nano e ។
បច្ចេកវិទ្យាថ្មីនេះ ត្រូវបានបង្កើត និងអភិវឌ្ឍឡើង ដើម្បីផ្តល់នូវខ្យល់បរិសុទ្ធ ដែលអាចបំបាត់ក្លិនអាក្រក់ និងស្រូបយកធូលីតូចៗ រួមទាំងបាក់តេរី និងមេរោគទាំងឡាយទៅក្នុងម៉ាស៊ីនត្រជាក់យ៉ាងឆ្លាតវៃ។ ផ្អែកលើគោលគំនិតគុណភាពខ្យល់សម្រាប់ជីវិត បច្ចេកវិទ្យាផ្តាច់មុខពីក្រុមហ៊ុន Panasonic នេះ មានបំណងផ្តល់នូវខ្យល់បរិសុទ្ធ ដើម្បីគុណភាពជីវិតកាន់តែប្រសើរ។ ក្រុមហ៊ុនជឿជាក់ថា លក្ខណៈពីសេសនៃម៉ាស៊ីនត្រជាក់របស់ក្រុមហ៊ុន Panasonic ផលិតឡើងចំតម្រូវការអតិថិជន និងឈានក្តាន់យកទីផ្សារបាន 60% ហើយនៅតែជាម៉ាកគ្រឿងអគ្គីសនីគុណភាពល្អបំផុតនៅក្នុងប្រទេសកម្ពុជា។
លោក Ichiro Suganuma នាយកប្រតិបត្តិនៃក្រុមហ៊ុន Panasonic Appliances Asia Pacific បានមានប្រសាសន៏ថា” 100 ឆ្នាំ បានកន្លងផុតទៅចាប់តាំងពីក្រុមហ៊ុន Panasonic ត្រូវបានបង្កើតឡើងនៅឆ្នាំ 1918។ តាំងពីដំបូងយើងបានធ្វើការអភិវឌ្ឍផលិតផលប្រកប ដោយភាពច្នៃប្រឌិតខ្ពស់ជាមួយគុណភាពល្អឥតខ្ចោះ ដើម្បីបំពេញតម្រូវការរបស់អតិថិជនទាំងអស់ដែលមានរបៀបរស់នៅខុសៗគ្នានៅក្នុងពិភពលោក។ ផ្អែកលើស្តង់ដារគុណភាពជប៉ុន យើងបានខិតខំផ្តល់នូវផលិតផលដែលមានគុណភាពខ្ពស់ ជាមួយនឹងបច្ចេកវិទ្យាទំនើបបំផុត។
លោក Maresuke Nagatoshi ប្រធានតំណាងសាខារបស់ Panasonic ប្រចាំអាស៊ីប៉ាស៊ីហ្វិក បានមានប្រសាសន៏ថា “ ម៉ាស៊ីនត្រជាក់ស៊េរីថ្មីរបស់ Panasonic នេះ មិនត្រឹមផ្តល់នូវខ្យល់ត្រជាក់ប៉ុណ្ណោះទេ គឺយើងផ្តល់ជូននូវដំណោះស្រាយខ្យល់សរុប។ ម៉ាស៊ីនត្រជាក់ថ្មីប្រភេទ SKY SERIES របស់ Panasonic នេះ រួមបញ្ចូលនូវការច្នៃប្រឌិតដ៏ខ្លាំងក្លានៅក្នុងផ្នែកនីមួយៗ។ ម៉ូដែលថ្មីនេះ មានប្រព័ន្ធបោសសម្អាតឆ្លាតវៃកម្រិតខ្ពស់ ដោយបច្ចេកវិទ្យាទំបើប Nano e ដែលកែច្នៃទប់ស្កាត់បាក់តេរី និងមេរោគ បឺតស្រូបយកធូលី និងសម្អាតប្ទប់របស់អ្នកអោយមានបរិយាកាសស្រស់ស្រាយ ទោះបីជាមុខងារត្រជាក់ត្រូវបានបិទក៏ដោយ។
ក្រៅពីការធានាផ្តល់នូវខ្យល់បរិសុទ្ធស្រស់ស្រាយ រស់នៅប្រកបដោយផាសុកភាព រូបរាងម៉ាស៊ីនត្រជាក់ក៏ត្រូវបាបរចនាថ្មីប្លែកជាមួយសន្ទះខ្យល់បក់ SKY WING នោផ្នែកខាងលើ បាញ់ខ្យល់ត្រជាក់ខ្លាំងជាមុន ឆ្ងាយជាងមុនរួមជាមួយបច្ចេកវិទ្យា Inverter ថ្មីចុងក្រោបង្អស់ ដែលអាចសន្សំសំចៃថាមពលខ្ពស់ជាងមុន។ ជាមួយនិងរបកគំហើញថ្មីនៃបច្ចេកវិទ្យាទំនើបឆ្លាតវៃ Nano e ក្រុមហ៊ុនជឿជាក់ថា ម៉ាស៊ីនត្រជាក់របស់ខ្លួននឹងដើរតួរយ៉ាងសំខាន់ក្នុងការវាយលុកទីផ្សារគ្រឿងអេឡិចត្រូនិកប្រើប្រាស់នៅតាមផ្ទះ ។