no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន ធី.អូ គ្រុប បានប្រារព្ធពិធីជប់លៀងប្រចាំឆ្នាំជូនដល់បុគ្គលិករបស់ខ្លួន ជាមួយនឹងការផ្តល់រង្វាន់យ៉ាងច្រើន

នៅថ្ងៃទី 09 ខែមេសា ឆ្នាំ 2019 ក្រុមហ៊ុន ធី.អូ គ្រុប (T.O GROUP CO., LTD.) ដែលជាក្រុមហ៊ុនផ្គត់ផ្គង់សេវាកម្មដំណោះស្រាយពត៌មានវិទ្យា និងបង្កើត Business Software បានប្រារព្ធពិធីជប់លៀងបុគ្គលិកប្រចាំឆ្នាំ ក៏ដូចជាស្វាគមន៏ពិធីបុណ្យចូលឆ្នាំប្រពៃណីជាតិខ្មែរ ដែលនឹងឈានមកដល់ប៉ុន្មានថ្ងៃខាងមុខនេះ ដោយពិធីនេះបានធ្វើឡើងនូវភភោជនីយ៍ដ្ឋានទន្លេបាសាក់ 2។ 

លោក ហេង ចំរើន អគ្គនាយកក្រុមហ៊ុន បានមានប្រសាសន៍ថានេះជាឆ្នាំទី 15 ហើយនៃវត្តមានរបស់ ក្រុមហ៊ុន ធី.អូ គ្រុប នៅលើទីផ្សារបច្ចេកវិទ្យាពត៌មានក្នុងប្រទេសកម្ពុជា ហើយលោកសូមថ្លែងអំណរគុណចំពោះកិច្ចខិតខំប្រឹងប្រែងរបស់បុគ្គលិកទាំងអស់ ដែលបានសាមគ្គីគ្នាយ៉ាងល្អក្នុងការជម្រុញឲ្យក្រុមហ៊ុនមានភាពរីកចម្រើនដូចសព្វថ្ងៃនេះ។ ជាការឆ្លើយតបទៅនឹងភាពជោគជ័យ និងវឌ្ឍនភាព ដែលកើតចេញពីកំលាំងកាយ និងស្មារតីជាធ្លុងមួយនេះ លោកអគ្គនាយកបានចែកជូនប័ណ្ណសរសើរ និងរង្វាន់លើកទឹកចិត្តដល់បុគ្គលិក ដែលមានអតីតភាពការងាររយៈពេលលើសពីប្រាំឆ្នាំ និងបុគ្គលិកដែលមានស្នាដៃលេចធ្លោផងដែរ។

សូមបញ្ជាក់ថា ក្រុមហ៊ុន ធី.អូ គ្រុប ត្រូវបានបង្កើតឡើងចាប់តាំងពីឆ្នាំ 2004 មកម្ល៉េះ និងជាក្រុមហ៊ុនលំដាប់ឈានមុខគេនៅក្នុងព្រះរាជាណាចក្រកម្ពុជា ផ្នែកផ្គត់ផ្គង់ព្រមទាំងចែកចាយផលិតផលបច្ចេកវិទ្យាពត៌មានវិទ្យាជាច្រើនប្រភេទ ដែលអាចជួយអតិថិជន និងអ្នកប្រើប្រាស់ទាំងអស់អាចគ្រប់គ្រងអាជីវកម្ម ឬ ជំនួញផ្សេងៗដូចជា៖ 

1. ផ្នែក Data Center Solution ៖ ផ្គត់ផ្គង់ទាំងផ្នែក Hardware និងដំណោះស្រាយជាកញ្ចប់។ 

2. ផ្នែក Auto ID Solution ៖ ផ្គត់ផ្គង់ដំណោះស្រាយពេញលេញនៃការកំណត់អត្តសញ្ញាណនៃផលិតផលនីមួយៗ ដើម្បីគ្រប់គ្រងទិន្ន័យ ដែលប្រើប្រាស់ដោយបាកូដ។ 

3. ផ្នែក UPS Solution ៖ ប្រើសម្រាប់គ្រប់គ្រង និងផ្គត់ផ្គង់ ថាមពល ដើម្បីអោយឧបកណ៍ និងបច្ចេកវិទ្យាអាចដំណើរការបានយ៉ាងប្រក្រតី។

4. ផ្នែក Software Solution ៖ អតិថិជនអាចយកទៅប្រើប្រាស់សម្រាប់ជាប្រព័ន្ធគ្រប់គ្រងការលក់ ប្រព័ន្ធគ្រប់គ្រងបញ្ជីសារពើភ័ណ្ឌ (ស្តុក) ប្រព័ន្ធគ្រប់គ្រងភោជនីយដ្ឋាន និងខារ៉ាអូខេ ប្រព័ន្ធគ្រប់គ្រង គណនេយ្យ ប្រព័ន្ធគ្រប់គ្រងធនធានមនុស្ស និង ប្រព័ន្ធគ្រប់គ្រងវត្តមាន ប្រាក់ខែបុគ្គលិកជាដើម។

.

ក្រុមហ៊ុនធី.អូ គ្រុប តែងតែបំពេញតាមតម្រូវការជូនអតិថិជនទាំងអស់ មិនថាជាតម្រូវការតូចឬធំ តិចឬក៏ច្រើននោះឡើយ។

no-alternative title
ព័ត៌មានពាណិជ្ជកម្ម