កាលពីថ្ងៃទី 23-24-25 ខែធ្នូ ឆ្នាំ 2022 កន្លងទៅនេះ ក្រុមហ៊ុនរថយន្ត GAC បានរៀបចំដំណើរកំសាន្តទៅកាន់ទីរួមខេត្តកំពត និងខេត្តកែប ក្នុងគោលបំណង ចូលរួមជាមួយរាជរដ្ឋាភិបានលើកស្ទួយទេសចរណ៍ក្នុងស្រុក ក៏ដូចជាបង្កើនចំណងមិត្តភាពរវាងក្រុមហ៊ុន និងអតិថិជនរបស់ខ្លួន ជាពិសេសគឺការធ្វើសកម្មភាពមនុស្សធម៌នៅក្នុងតំបន់ជាមួយក្រុមគ្រួសារ GAC Motor។
លោក ធី ចន្ទនិមល ប្រធានគ្រប់គ្រងទូទៅនៃក្រុមហ៊ុនរថយន្ត GAC Motor ប្រចំាប្រទេសកម្ពុជាបានឱ្យដឹងថា នេះជាលើកទី២ហើយដែលក្រុមហ៊ុនបានរៀបចំដំណើរកម្សាន្តសម្រាប់គ្រួសារ GAC នៅកម្ពុជា ដោយពាំនំាយកនូវអំណោយចែកជូនដល់ពលរដ្ឋដែលកំពុងជួបប្រទះការខ្វះខាតនៅក្នុងជីវភាពរស់នៅប្រចាំថ្ងៃចំនួន 200 គ្រួសារ បន្ទាប់ពីប្រជាពលរដ្ឋរងគ្រោះដោយខ្យល់កន្ទ្រាក់នៅស្រុកទឹកឈូ ខេត្តកំពត នាពេលថ្មីៗនេះ ក្នុងនោះរួមមាន អង្គរ មី និងទឹកស៊ីអ៊ីវ។ ហើយថវិការដែលទទួលបានសម្រាប់ទិញអំណោយសប្បុរសធម៌នេះ គឺបានមកពីការរួមចំណែករបស់អតិថិជន GAC ដៃគូរចូលរួមឧបត្ថម្ភកម្មវិធី និងពីខាងក្រុមហ៊ុនផ្ទាល់។
លោកបានបន្តទៀតថា “ទន្ទឹមនឹងសកម្មភាពមនុស្សធម៌ ក្រុមហ៊ុនបានរៀបចំកម្មវិធីដំណើរកម្សាន្តជាក្បួនរថយន្តប្រចាំឆ្នាំរបស់យើងដោយមានការចូលរួមពីអថិជនដែលកំពុងប្រើប្រាស់រថយន្ត GAC គ្រប់ម៉ូឌែល។ ដំណើរកម្សាន្តនេះនឹងត្រូវរៀបចំរយៈពេល ៣ថ្ងៃ ២យប់ ដោយខ្ញុំជឿជាក់ថាកម្មវិធីនេះគឺជាស្ពានក្នុងការចងចំណងមិត្តភាពរវាងក្រុមហ៊ុន និងអតិថិជនរបស់ GAC Motor ផងដែរ។”
គួរបញ្ចាក់ផងដែរថារថយន្ត GAC ត្រូវបាននាំចូល និងចែកចាយដោយក្រុមហ៊ុន THH Import Export Co.,Ltd ដែលជាក្រុមហ៊ុនបុត្រសម្ព័ន្ធមួយរបស់ក្រុមហ៊ុន TH Group ដែលទទួលសិទ្ធិចែកចាយលក់រថយន្ត GAC និងគ្រឿងបន្លាស់រថយន្តផ្តាច់មុខតែមួយគត់ក្នុងព្រះរាជាណាចក្រកម្ពុជាចាប់ពីឆ្នាំ ២០២០មក ពីក្រុមហ៊ុន GAC MOTOR របស់ប្រទេសចិន។ បច្ចុប្បន្នក្រុមហ៊ុនកំពុងនាំចូល និងចែកចាយរថយន្ត GAC ចំនួន ០៥ ម៉ូឌែល៖ GS3, GS4, GS5, GS8 (ជារថយន្តលក្ខណៈគ្រួសារប្រភេទ SUV) និង GN8 (ជារថយន្តលក្ខណៈគ្រួសារប្រភេទ VIP VAN/ MPV) ។
រថយន្ត GAC គឺជាតំរូវការរបស់អតិថិជនដែលកំពុងស្វែងរកនូវរថយន្តថ្មី ដែលមានគុណភាពខ្ពស់ សន្សំសំចៃ សុវត្ថិភាព និងមានតម្លៃសមរម្យ។ ហើយបច្ចុប្បន្ន រថយន្ត GAC កំពុងទទួលបានការគាំទ្រយ៉ាងខ្លាំងពីប្រជាជនកម្ពុជា។
សម្រាប់អតិថិជនដែលទិញរថយន្ត GAC នឹងទទួលបានការធានាយូរជាងគេរហូតដល់ 5ឆ្នាំ ឬ 150,000 គីឡូម៉ែត្រ ពីរោងចក្រផ្ទាល់ សេវាការថែរទាំរថយន្តឥតគិតថ្លៃរយៈពេល 12ខែ ឬ 20,000 គីឡូម៉ែត្រ និងគ្រឿងបន្លាស់សុទ្ធពីរោងចក្រ ៕
